المنتدى التعليمى الاسلامى

المنتدى التعليمى الاسلامى (http://www.shawamy.com/vb/index.php)
-   ركن طلبات البرامج (http://www.shawamy.com/vb/forumdisplay.php?f=131)
-   -   حد بيفهم لينوكس ؟؟؟؟ حد بيفهم اوبنتو ؟؟؟؟ (http://www.shawamy.com/vb/showthread.php?t=4647)

ابو على 29 - 03 - 2011 09:45 PM

حد بيفهم لينوكس ؟؟؟؟ حد بيفهم اوبنتو ؟؟؟؟
 
بسم الله و الحمد لله والصلاة والسلام على رسول الله صلى الله عليه واله وصحبه وسلم ...
ياريت لو حد يعرف اهم الاوامر فى توزيعة اوبنتو 10.10 ؟؟؟
كمان انا لما بثبت برنامج عن طريق :
ubuntu software center
وبعدين بحذفه هل ياترى بيتحذف من جذوره ؟؟؟
طب ولما بثبت theme او اى برنامج تانى باستخدام terminal ياترى بيتحذف ازاى ؟؟؟
وايه اهم الحاجات اللى لازم اهتم بيها خاصة وانا مبتدئ فى استخدام اوبنتو ؟؟؟
ولو حبيت اثبت برنامج microsoft office 2007 بس طبعا اسطوانة الاوفيس مش معايا غير ايزو اعمل ايه ؟؟؟
ياريت اللى يعرف ويقدر يفيد يتفضل وله جزيل الشكر

انسان 30 - 03 - 2011 02:41 AM

أهلاً بيك يا ابو علي والف مبروك على التغيير

اقتباس:

ياريت لو حد يعرف اهم الاوامر فى توزيعة اوبنتو 10.10
الأوامر هي تقريبا نفس الاوامر المستخدمه في كل التوزيعات وابنتو تعتبر من التوزيعات التابعه لــ Debian وتستخدم نفس طرق التعامل مع توزيعة Debian تقريبا

من الاوامر

mv = اعادة تسمية ملف او نقل ملف من مكان لمكان اخر , وبيعتمد على طريقة تنفيذ الامر

مثال لاعادة التسميه = mv name.ex new_name.ex

مثال للنقل من مكان لاخر = mv /home/name.ex /root/

امر النسخ = cp

امر انشاء ملف = nano او pico او vi

امر انشاء مجلد = mkdir

امر حذف ملف او مجلد = rm -rf file

وتوجد الكثير من الاوامر يمكنك السؤال عن ما تحتاجه حيث يصعب ذكرها جميعها هنا



اقتباس:

كمان انا لما بثبت برنامج عن طريق :
ubuntu software center
وبعدين بحذفه هل ياترى بيتحذف من جذوره ؟؟؟
تقصد ubuntu software center او البرنامج اللي بتثبته عن طريقه , وعلى فكره اوبنتو فيها تقدر تبحث عن البرنامج وتنزله بدون برامج مساعده


اقتباس:

طب ولما بثبت theme او اى برنامج تانى باستخدام terminal ياترى بيتحذف ازاى ؟؟؟
كل برنامج بيكون ليه طريقة حذف معينه عن طريق التيرمينال , مش كله بيكون نفس المعامله


اقتباس:

وايه اهم الحاجات اللى لازم اهتم بيها خاصة وانا مبتدئ فى استخدام اوبنتو
انك تحاول تشوف البرامج البديله لبرامج الويندوز وتشتغل عليها والا لو هتركب اوبنتو علشان تشغل عليها برامج الويندوز يبقى مالوش لازمه التغيير
لانها هتكون بالنسبه ليك مجرد اداة تشغيل لبرامج وبس


اقتباس:

ولو حبيت اثبت برنامج microsoft office 2007 بس طبعا اسطوانة الاوفيس مش معايا غير ايزو اعمل ايه
مش كل برامج الويندوز تركب على ابونتو او اي توزيعه لكن هقوللك على موقع برنامج تقدر عن طريقه تثبت برامج ويندوز كتير وهو :

http://www.winehq.org



اي خدمه يا ابو علي

ابو على 30 - 03 - 2011 07:23 AM

بسم الله و الحمد لله والصلاة والسلام على رسول الله صلى الله عليه واله وصحبه وسلم
الله يبارك فيك يا غالى قلت بقى لازم نواكب الثوره بس المشكله انها جت على دماغى فى الاخر
المهم نظرا لان طبعاماحدش فى المنتدى بيفهم لينوكس احسن منك قلت اسال وعارف طبعا مين هيجاوب
الاهم الله يكرمك شكرا على الرد بس
انا بقصد الاوفيس لان المشكله ان مش كل الناس لينوكس
فعلشان اخد ملف للطباعه فى اى مكتبه هيصعب ذلك فكنت بحاول اشوف اى نقطة تواصل
المهم شكرا جزيلا انا بحاول اتواصل معاك بس انت دايما اوف لاين
ع العموم انا نازل البلد النهارده باذن الله فهكون بعيد عن المنتدى هرجع الجمعه بامر الله
وربنا يسهل لو قدرت اعمل ريكفرى للهارد نبقى نثبت اوبنتو تانى بقى وربنا يستر ونشوف النصائح دى
كمان الله يكرمك لو عندك روابط مفيده خاصه بثيمات وحاجات كده او اى اوامر انت كنت حافظها عندك على ملفات او كده ابقى باصيها كده ع الماشى
فيه بقى سوال محيرنى
لو لعبت فى البوت عن طريق برنامج رخم جدا جدا جدا وهو bcd
المشكله انى كنت بستخدمه عشان اضيف بوت للماك ولينوكس وويندوز
المشكله انه بيعمل بوت للثلاثه بس مش بقدر ادخل على اللينوكس الا لما افرمت من جديد واثبت تانى
فهل اقدر اضيف بوت من لينوكس للماك والسفن بحيث يبقى فيه ثلاث انظمه ؟؟؟؟؟
والبارتشن بتاع اللينوكس 10ج الا حاجات كده مناسب ؟؟؟
وشكرا ع الافاده يا كبير ونراك على خير باذن الله

انسان 30 - 03 - 2011 01:24 PM

اهلا بيك يا ابو علي

بخصوص الاوفيس فانا قولتلك يا غالي انه فيه برنامج تقدر تشغل عن طريقه برامج كتير من برامج الويندوز

كمان اوفيس اللى موجود مع اوبنتو تقدر عن طريقه تحفظ الملفات وتشغلها على اوفيس ويندوز وكله بيعتمد على امتداد الحفظ


بخصوص تواصلك معايا واني بكون اوفلاين فتصحيحاً للمعلومه بس انا مش بكون اوفلاين ولكن بكون مش موجود اساسا ,
لان انتا عارف بفتح الياهو بالصدفه , لكن بنسبه كبيره بكون على الهوتميل ,


بخصوص لو فيه مواقع عليها اوامر ففيه موقع زي الفل اوامر كتابة سكربتات وحاجات كتير هتعجبك
http://linuxcommand.org

بخصوص برنامج bcd فيا ريت تقوللي انتا الاساسي عندك ويندوز ولا اوبنتو ؟ لو ويندوز هعطيك برنامج بيشتغل على ويندوز 7 تمام وانا مجربه

لو اوبنتو فانتا اي حاجه بتحلم بيها ممكن تعملها عن طريق التيرمينال

انتا لما بتعمل بوت بالبرنامج هو المفروض بيعملك ملف بوت افتراضي في مكان معين على بارتشن c مثلا

بالتالي المفروض انتا يكون عندك ملف البوت ده من نسخة اوبنتو قديمه محتفظ بيها

بعد كده تستبدل الملفات وتعمل ريستارت , وتدخل على اوبنتو وتعيش اللايف

بخصوص مساحة البارتشن انا عامله عندي 30 جيجا قابله للزياده لانها بتنزل ملفات على حسب المسحاه اللي انتا محددها , وكل ما يكون اكبر يكون احسن

وأي خدمه يا ابو علي


ابو على 02 - 04 - 2011 10:18 PM

بسم الله و الحمد لله و الصلاة و السلام على رسول الله
شكرا جزيلا يا كبير
انا كنت بسال لو عايز اعمل ثلاث انظمه ماك و ويندوز سفن و اوبنتو
انا قسمت ثلاث بارتشنات 25ج كل واحد وعملت الاول بنظام Fat
عشان الماك والثانى للويندوز ومثبت عليه حاليا وشغال والثالث للاوبنتو وفى ربع ساعه بيكون خلصان والحمد لله
الله يكرمك بس ازاى اخلى اسطوانة الماك تبوت معايا؟؟
وما اللازم اتخاذه كى تكون الانظمه الثلاثه موجوده فى البوت واختار منها اول ما افتح زى ما انا بختار حاليا بين اوبنتو وويندوز سفن ؟؟؟
كمان ياريت عايزك بس تعذرنى بتقل عليك بس كله بثوابه ولو مش فاضى مافيش اى فروبلم والله ياريس
لو عايز اعمل باك اب للاوبنتو ازاى وطبعا انا بعمل واحده للسفن هل يشترط تدابير معينه للباك اب فى حالة وجود اطتر من نظام تشغيل؟؟
وشكرا يا عم الحاج انسان

انسان 02 - 04 - 2011 11:37 PM

اقتباس:

انا كنت بسال لو عايز اعمل ثلاث انظمه ماك و ويندوز سفن و اوبنتو
انا قسمت ثلاث بارتشنات 25ج كل واحد وعملت الاول بنظام Fat
عشان الماك والثانى للويندوز ومثبت عليه حاليا وشغال والثالث للاوبنتو وفى ربع ساعه بيكون خلصان والحمد لله
الله يكرمك بس ازاى اخلى اسطوانة الماك تبوت معايا؟؟
اعتقد الافضل تبدأ بتنصيب ويندوز وبعده اوبنتو لأنك هتسطبها عن طريق ويندوز وبعدهم الماك لأن الماك هيلغيلك البوت وهتلاقيه بيدخل ماك مباشرة ومش هيدخل ويندوز الا لما تعدل اعدادات في البيوس خاصه بالهارد وعلشان تتفادى ده ممكن تسطب البرنامج الموجود هنا مع شرحه
http://www.damasgate.com/vb/t170480


اقتباس:

لو عايز اعمل باك اب للاوبنتو ازاى وطبعا انا بعمل واحده للسفن هل يشترط تدابير معينه للباك اب فى حالة وجود اطتر من نظام تشغيل؟؟
باك اب الاوبنتو على حسب تسطيبها

يعني لو عملتها زي ما بقوللك وسطبتها عن طريق ويندوز - في الحاله دي بتنزل على البارتشن اللي هتختاره داخل مجلد اسمه ubuntu

ويكفيك تاخد المجلد ده كوبي وتنقله لاي مكان تاني , وأهم حاجه تاخد نسخه من ملفات البوت الموجوده على البارتشن C أو اللي عليه الويندوز , وأسماء الملفات هي :
wubildr
wubildr.mbr

وكده يبقى عندك نسخه من الاوبنتو احتياطيه بكامل اعداداتها وبطريقه سهله

وكمان فيه طريقه تانيه , وهي انك تاخد نسخه عن طريق ويندوز كأنها لويندوز لكن بس بتختار البارتشن اللي عليه اوبنتو وتقدر تعمل دي مع اي نظام

الطرق كتير فكر انتا بس وان شاء الله هتلاقي حلول

وأي خدمه يا غالي انتا تؤمر

رحيل القمر 15 - 09 - 2011 10:46 PM

يا سلام عليك يا عمو انسان اية الحلاوة دي

طب يا معلم أشتغل علي Windows Developer Preview

أصل لسه مصتبه جديد ^_^

رحيل القمر 15 - 09 - 2011 10:47 PM

علي فكرة هوو لسة إصدار جديد من شهر فبراير بس أشتغلي يعتبر رسمي الأيام دي لو عايز تحمله قولي وانا أبعتلك الرابط

انسان 16 - 09 - 2011 08:04 AM

اقتباس:

المشاركة الأصلية كتبت بواسطة رحيل القمر (المشاركة 25775)
يا سلام عليك يا عمو انسان اية الحلاوة دي

طب يا معلم أشتغل علي Windows Developer Preview

أصل لسه مصتبه جديد ^_^

اقتباس:

المشاركة الأصلية كتبت بواسطة رحيل القمر (المشاركة 25776)
علي فكرة هوو لسة إصدار جديد من شهر فبراير بس أشتغلي يعتبر رسمي الأيام دي لو عايز تحمله قولي وانا أبعتلك الرابط


تقصد Windows 8 يا غالي ؟

اي حاجه جديده انا معاك فيها من غير ما تسال نجربها , وبعدين لو مش تمام نرجع للقديم ,

انا بحب اتفرج على الجديد لكن مش في كل الاحيان بحب استخدمه , انتا عارف بقى النسخ المستقره في اي حاجه بتكون تمام

ابعتلي اللينك ع الميل بقى


الساعة الآن 11:17 AM.


المنتدى التعليمي الإسلامي